康復都有節奏感！4星期檢查表帶你行得穩又安心!

手術完成後，康復的進度不單止與傷口的癒合有關，仲會涉及到安全感、不同類型嘅支援等等。作為護士嘅我，經常聽到病人問：「我做得夠不夠？會不會太多？」

點解有個「每週檢查表」咁重要？

手術後初期，好多姊妹連睇下傷口都會驚，唔知幾多痛、幾多腫先叫「正常」。去到手術後第三、四個星期，又會諗吓：「我可唔可以開車？晾衫？做家務?做運動?拉筋?返得工未？」我就諗: 「如果有份術後清單同大家分享，可以提醒姊妹：幾時要休息、幾時要郁下身、幾時應該搵返醫護人員。」相信點都會令人安心D，就好似有隊友陪住你咁。

想像下，有個隊友喺你隔離陪住你一齊睇住個小錦囊：檢查傷口、記錄痛楚、做下手臂伸展、注意下淋巴水腫預防。由原本好複雜嘅醫療指示，就變成每日都做到、唔費力嘅小行動。

姊妹好多時都話，有錦囊放心好多：「今日我做咗伸展、觀察腫脹、食得好、又有休息。」呢種「我掌握得住」嘅感覺，真係康復路上最大嘅力量。

免費拎你嘅「手術後 4 週康復小錦囊」！

Follow 我 IG，就可以免費拎到我親自設計嘅「手術後 4 週康復小錦囊」，一步一步陪住你由第一行到第四週，好似每日都有護士喺你身邊一樣！

主頁